التماسيح العزابية

التعريف:
هي المرحلة العمرية اللي يكون فيها الشاب او التمساح المنبود من جميع البشر








مواصفات العزابي .......




1. مسكين



2. مطفر



3. جائع



4. مديون من جميع الناس الهندي راعي البقاله، مغسلة الملابس، راعي المطعم لو يشوفه يقلبه دجاج شوايه



5. مضطهد



6. مريض



7. الملابس ....الله لا يوريك



8. الرائحه.......لاتسألون عن هذا







شقة العزابي ........





1. الصاله: تلفزيون- اربعة طفايات سجاير - ثلاث رؤوس معسل - ترمس شاهي - فنجال منكب - اثنين وعشرين جريده - خمس دفاتر مو للدراسه ( حق البلوت يعني) ( جنجفه) الترجمه الكويتيه ، 3حبه مرواس 5 حبه طيران 3 صلحات واثنتين مفقعات بعض الشباب تحمسوا وفقعوها. عود اغلى شئ في الشقة..،





2. غرفة النوم: مرتبة نوم (يسمعون بالسرير) - فنايل مرميه - ثياب وسخه - مسجل -200 شريط 75% جلسات - اكياس مطاعم (شاورما ، هارديز ، كنتاكي ....... الخ)





3. المطبخ: سته او سبعه اكياس بخاري - عشره عشرين علبة تونه - كورن فليكس >> هذا بالغلط اكيد احد جايبه له هههههههههه - اكياس ليبتون << نص المطبخ ليبتون ،ونعناع وفناجيل شاهي.





مشاكل العزاب ........





أكثر كلمه يسمعها العزوبي هنا هي (((((((((ممنووووووووووع))))))) ))) :





أ/ إحتفالات العيد((((((((ممنوووووووووع)))) )))))مافيه احتفالات يعني طول السنه نفس الوضع واذا تبي تحتفل روح للبحر لحالك والا طق راسك بأكبر حصاه







ب/ دخول الملاهي((((((ممنوووووووع))))) طيب ليه يعني هم اللي بيكسرون الصحن الدوار والا حاطينه للعوايل بس





ج/ دخول الأسواق((((((ممنوووووووووع)))) )))))) وهذي مره مقهورين منها الشباب



ليييييييه يعني يقولون حنا اللي نبي نكسر المحلات والا نبي نخلص البضاعه عن العوايل



----- يقولون انكم مزعجين داخل السوق ------ فيه رجال أمن داخل السوق



وأي واحد يحاول يزعج يطردونه برا ----- يعني حلها سهل





العزوبي والقَطَّه





القطه بفتح القاف وهذا مصطلح في معظم العزوبيين يعني رسوم الاشتراك





القطه هي كلمه تسبب الحساسيه للشاب وهناك أنواع متعدده من القطه منها:





1. قطة الشقه (وهذ غالباً ماتكون قاصمه للظهر) يعني يبيع سراويله عشان يكمل المبلغ





قطة الاكل (وهذي لايسمح لك بتناول اي طعام أوشراب الا بعد دفع قطتك فيها .

وتعريف للقطه هي نظام مالي جميل ليس له صله لا بالرأس ماليه ولا الاشتراكيه ولا النظام الاقتصادي بالاسلام نظام اللي ماعندوش مايلزموش..،

،،،،،،،،كل حياة العزوبيين قائمه أساساً على القطه،،،،،،،،،،



أكل ، شرب ، نوم ، ملابس ، كتب ، طواقي ، شمغ ، حتى السراوييل




العزوبي والسفر ...




بالعربي يعني 365 يوم وهو يجمع الريال فوق الريال علشان اذا جاء الصيف يقدر يسافر للخارج

عاد العزوبي هنا منقطع مايشوف الا الديانه (بالشده المنفتحه) والا الدكاتره اللي مضطهدينه والا مديره في الشغل اللي مغلب مرارته ،،،






ولو يكح جنب عائله قالوا له أنت تغازل بناتنا

صحيح مساكين الله يكون بعونكم.....،>>متعاطفة جدا